ترزملـي مجاميـع الهمـوم وينهـزم حالـي
بغيت مرار اقاومهـا ولكـن كيـف اقاومهـا
مدامك دوم في بالي ولا قد غبـت عـن بالـي
ونار الشوق لا هبت هبـوب النـود تشعمهـا
ومدامه لا انكسر صوتي عقب ما اجر موالـي
تكون آخر حروف اسمك على التنهيد راسمهـا
كرهت الكون من بعدك وعيى الوقت يصفالـي
والا من بانت الفرحة تجـي ذكـراك تعدمهـا
تركتك وانت خابرني عزيز النفـس متعالـي
ورحلت بجملـة همـوم ٍ تزايمنـي وازايمهـا
تثاقل خطوتي مقفي وانـوخ واعقـل رحالـي
واشد رحالي وعيني عـن اللفتـات محرمهـا
فمـان الله ياضـي البـلاد وطعمهـا الحالـي
فمان الله ياضـي البيـوت وضـي ناضمهـا
كلامن مر بغيابـك قريتـه بالخـلا الخالـي
طوته البيد من حسـه وغيـر فـي معالمهـا
كلامن سابقـه دمـع ٍ علـى الخديـن همالـي
من عيـون ٍ شقاويـه تخلـت عـن تجهمهـا
يفوح من القهر دمعي وانا ما ارسلت مرسالـي
اجل وشلون لا بانت حروفـي فـي مقادمهـا
ابتذكر خطاك الـي تضحـى بآخـر آمالـي
وضف هموم هالدنيـا علـى قلبـي وليمهـا
ترى مايذبح الواحد يكود الجـرح مـن غالـي
وجرحك كل ما يطري على روحـي يألمها
انا مدري وش اكتبلك ولا ادري ويش منوالـي
ولا ادري ليش انا انقالك بيوت الشعر وانضمها
وانا ادري منت سامعها وقلبك دالـه وسالـي
ولكن دايماً بصخر علـى شانـك ملاحمهـا
والا من مربي طيفك وانا في مرقـب ٍ عالـي
بدون شعور ببنيهـا علـى شانـك وبهدمهـا
أطيب المنــى :)