لا والله الا صار طبع العرب شين = من داج بين بيوتهم برقوا به
الحب شان وشينوه الخبيثين = اللي من اول قد مشوا في دروبه
مايأمرون الا بفرقا المحبين = سوق المودة كنهم ماسعوا به
واليوم صاروا كلهم لي معادين = كثرت نمايمهم وخلي حكوا به
ياناس مارفقت خلي علي الشين = الا على وضح النقاء في دروبه
حلفت دينٍ واللحق الدين دينين = ماشفت منه الا طرايف عجوبه
أرجية رجوى اللي عيالة مغيبين = يرجي سلامتهم وخيرٍ لفوا به
مير العرب فيهم نجوس وشياطين = من مرهم لوهو برىٍ هقوا به