طفح الكيل ولا نقول إلا حسبنااااااااااا الله ونعم الوكيييييييييييييييييييييييييييييييل

06-11-2009, 03:06 PM

الله يعينكم

والله اني اعرف شخص وصل للجهات المسؤولة عدة مرات

لكن يروح اخرين ويقولون كلامه غير صحيح

السامي اذا كانت طاقة المولد اللي عندك تسمح بتزويد بعض المتضررين ولا عليك امر مد لهم سلك
خاصة اللي عندهم اختبارات ولا نامو زين

هدد تقول الله يذكر ايام ابو مزيد بالخير
وانا اقول نفس الكلام
كان ابو مزيد يولع البحر الله يطول بعمره ولا اذكر انه انقطع الكهرب على وقته اكثر من دقائق للتبديل بين المولدات

الشيء الثاني لابد من الرجوع لنظام الشركة ومعرفة الحقوق والواجبات

فمثلا الشركة تلتزم بتزويد المواطن بالكهرباء دون انقطاع

وفي حالة الاخلال بهذا الالتزام ماهي الشروط الجزائية

المواطن يلتزم بتسديد الرسوم

وفي حالة عدم الالتزام يفصل عنه التيار

طبعا الشركة تفصل التيار لو ما تسدد يالمواطن

لكن من يعطيك حقك اذا انت ملتزم بالتسديد والشركة غير ملتزمه بتزويد الخدمة بالشكل المطلوب

06-11-2009, 03:13 PM

شي يقهررررررررر

طيب وين اللي مسوين انفسهم اوصيا على الديرة ويقولون تهمهم مصلحة الديرة
والا جيدين بس اذا نزل للديرة مشروع يعرقلون تنفيذه

06-11-2009, 08:10 PM

الله يعينكم عاد تسلط طفى بهالحررر والظهر
لازم يحل الموضوع بااقرب فرصه مو بس بالكلام
مره طفى على وانا اطبخ العشاء يانا تبهذلت وصرت اشتغل بنور الجوال
يوم قضيت طابخه وتعشينابهالحرررر ولع هههه نذل هالعداد
ومره طفى الظحى قعدت اصيح من القهر مدري وين اروح من الحر

يالله براااد الجنه

06-11-2009, 10:30 PM

الله يكون بعونكم والله شي يقهر انه يطفى وخصوصا الجو حاار

حتى حنا لحقنا على طفية الكهرب عندكم بس مالكم الا الصبر

وانكم تدورون حل باسرع وقت قبل يجي الحر القوي اللي يسمونه (طباخ التمر).

06-14-2009, 07:33 PM

يا جماعة أي شكوى وأي وزير وأي رئيس شركة !!!
إذا على الشكاوى أهل الرياض يبي يشكون قبل أهل القصيم وأهل الشمال قبل أهل الرياض وأهل ... قبل أهل ... وهكذا دواليك .
الوضع أكبر من مجرد شكوى .. الوضع إن شركة الكهرباء بإدارتها المتخلفة وأساليب تقديمها للخدمة المتواضع غير قادرة على تغطية جميع المناطق بالشكل المطلوب !!
لكن ما لنا إلاّ الصبر .. ويا ربي تجيب العواقب سليمة ..

06-14-2009, 11:22 PM

أقل شي يسونهـ انو يخصمون من فوآتيرنآ اللي تجي بالهبل كآ تعــويض

حسبي الله ونعم الوكيل عليهم

والله يآهو جـآهم دعآء الله يعينهم عليهـ

06-15-2009, 12:49 AM

ماصارت كذا

شباب مايصلح كذا

المفروض فيه شي اسمه معروض ويوقع عليه أغلب أهالي الشماسية

لو يوقع عليه ألف شخص ونسلمه للملك باليد ترى كلمتنا اذا صرنا جميع تسوي الهوايل

مشكلتنا إنه كل واحد يقول انا وش دخلني

قسم بالله قهر اللي قاعد يصير والله قهر

شباب نبي نكون يد وحدة

والله ان كلمتنا جميع تحل المشكلة

وانا من ناحيتي أجيب اللي أقدر عليه من التواقيع بس أبغى أحد يتحرك معي
ترى اليد الواحدة ماتصفق

وإن شاء الله ننسق مع مدير المنتدى ومع إدارة المنتديات الثانية الخاصة بالشماسية

فالله يوفقنا ونلقى له المشكلة حل

06-15-2009, 12:58 AM

اقتباس:

المشاركة الأصلية كتبت بواسطة قرناس

يا جماعة أي شكوى وأي وزير وأي رئيس شركة !!!
إذا على الشكاوى أهل الرياض يبي يشكون قبل أهل القصيم وأهل الشمال قبل أهل الرياض وأهل ... قبل أهل ... وهكذا دواليك .
الوضع أكبر من مجرد شكوى .. الوضع إن شركة الكهرباء بإدارتها المتخلفة وأساليب تقديمها للخدمة المتواضع غير قادرة على تغطية جميع المناطق بالشكل المطلوب !!
لكن ما لنا إلاّ الصبر .. ويا ربي تجيب العواقب سليمة ..

قرناس

أهل الديار اللي قلت يطفى عندهم الصبح وبعد الظهر والعصر والعشاء الى الساعة وحدة بالليل بيوم واحد

والصبر يخلي الكهرب مايطفى

06-15-2009, 06:35 PM

اصبروا أو لا تصبروا
الأمر هو هو منذ زمن طويل
كيف تريدون من الشركة تقدم الخدمة على الوجه المطلوب وهي على وشك الإفلاس من القروض الربويه كما نقرأ ونسمع فإن كانت كذلك
فيجب على القائمين على الشركة أن يتقوا الله ويخلصوا الشركة من القروض الربويه ثم يتقوا الله بالناس ويعملوا على تحسين أوضاع الشركة ولا يهتموا بالمظهر كما هو حاصل.

طفح الكيل ولا نقول إلا حسبنااااااااااا الله ونعم الوكيييييييييييييييييييييييييييييييل

ساحة الشماسية الخاصة