أقدم لكم قصة وقصيدة

القصة هي: أن الشاعر إبراهيم بن زيد المزيد رحمه الله من الشعراء البارزين في منطقة سدير توفي رحمه الله قبل عدة سنوات وقد تجاوز عمره المئة عام
:
عُرف عنه الكرم فباب بيته دائماً مفتوح خصوصاً عندما انتقل للرياض فصار أهل سدير ينصون بيته كل ما راحوا للرياض وكان الباب دائماً مفتوح..
:
وفي يوم من الأيام وعندما كبر به العمر جلس يفكر في حال البيت عقب ما يموت ووش يبي يصير في باب البيت وأن العيال يبي يبيعون البيت أو يصكون الباب عقبه ..!
:
وهذا ما هيّضه رحمه الله وقال هالأبيات يتوجد على باب البيت من عقبه فقال رحمه الله :
:

يا عزتي للباب من صكـةٍ لـه

ما في عيالي واحدٍ فزعـةٍ لـه

من عقب يوم إن النشامـا تدلـه

الباب يشكي عقب عـزة مذلـة

لومك على اللي باعوا البيت كله

بعض العيال إذا ظهر ما تملـه

خسـارةٍ تغـذاه خلـه لعـلـه

لا مقلطٍ سفره ولا شـال دلـة

لعل مـن يبكيـه رمـحٍ يشلـه

:
ولكن عياله استمروا على نهج والدهم رحمه الله وبقى الباب مفتوحاً حتى اليوم وبيته رحمه الله في الرياض في حي المصيف .. ولذلك علق الشاعر محمد بن صالحالحسينان على قصيدة إبراهيم المزيد رحمه الله
:
ويذكر فيها حال الباب عقب موت الشاعر وأنه بقى على حاله وأن العيال صاروا مثل أبوهم :
:

بيتك يابو خالد أصحابـك تدلـه

من عقبكم باقـي ولا فيـه خلـه

البيت باقي فيـه فرشـه وزلـه

من عقبكم ما كن شيٍ حصل لـه

خالد مع اخوانه عمـاره وظلـه

لا غاب واحد سد الآخر محلـه

والبن والشاهي على النار كلـه

الباب صاروا كلهم فزعـةٍ لـه