نــــقد لاذع لمنــسوبي الشبكـــــــة ..(لحظة المواجــــهـــة ) )

السلام عليكم ورحمة الله وبركاته


مني أنا مراسلكم من الكونقفو الراكنه خلف حدود اليوقا أتقدم بهذه الصفحة اللاذعة التي لعلها تكون عتبة الخير والبركه وأمطار على بلجرشي ..

الحقيقة بما أنه قسم نقاش فكرت ليه بس نتناظر وما نتناقش مع بعض في أمور شبكتنا وشعبها ونحش شوي بالحكومة الشبكية

هناك زوايا من الخلل تكاد تطفح على السطح ولا يمكن السكوت عنها أو حتى التساهل مع مرتكبيها

( أنا ماحطيت شبكة ثقافية عشان تقعدون تمطرسون أنت وياه ؟عندكم قوانين وعندكم شروط وأنظمة تمشون عليها يا تصيرون سنعين ولا يجيكم علمن ثاني

أشوف حواقين وساكت وأشوف صور وساكت وأشوف خربطة وأقول بكرا يعقلون ويكبرون لكن ماش الظاهر مايفيد معكم الا موضوع أنفش شوشكم فيه

قدامي أنت وياه على صفحة المواجهــــــة ..)

ودمتم سالميـــــــــــن

يازيني وأنا أنفخ والله يانا طعـــــر ..

عشان كذا ربي ما خلان مدير شبكة

<< أحس سليمان جته جلطة وجوا بيسعفونه لقوا جميع المآمير كاشتين وانفقعت مرارته

بسم الله على الكابتن بس تراك أول واحد بصفحتنا

فكرة الموضوع


تصفون جميع قبال بعض وكل واحد يقول ملاحظاته على أي شخص بالشبكة من باب تعديل الأخطاء والاقتراحات وتقريب وجهات النظر طبعا بكل احترام

لا تصدقون انه مهاوش أعرفكم تحبون الشــر ..

يالله تفضلوا في مجلسنا المتواضع الرجال على جهة والحريم على جهة وترا الهيئة بوه

الرجاء فصخ نعالكم تونا شارين فرشة جديدة ,, ومن نجد طبعة رجله واصبعه الدوب على الفرشة سيتعرض للمحط في حانة الشبكة

على الحريم ارتداء الأجلة الغير مرنقطة لعدم اغراء الشنبات ولا تقعدن تناظرن من بين نقوش الجلال تراي أعرفكن ( مجرب )

على جميع الرجال لبس زي رسمي وممنوع ارتداء التكميلات والمقوصر

بعد أن يأخذ كل فرد مكانه نرجو التزام الهدوء حتى تسمع نداء معرفك وعرض النقطة التي تخصك تتقدم وتبرر موقفك .

مثلا من يريد تقديم ملاحظة لشخص موجود يكتب بهذا الشكل

ــــــــــــــــــــــــــــــــــــــــــــ

من السامر الى سليمان

ليش ابريقك حق الكشتة أسود ؟

ـــــــــــــــــــــــــــــــــــ

يجي سليمان عاد يبرر مثلا يقول :

كنت شاب عليه ورحت الحق ضب واحترق

ـــــــــــــــــــــــــــــ

وهكذا

ونريد جدية في عرض مكامن الخلل وتكون أمور فعلية من شأنها صقل الشبكة وتلميعها وجعلها أكثر ضياء

وليس المقصود التطاول لا وألف لا فالمرونة مطلوبة في النفوس ولعلنا نصعد الى حيث القمم



المقصود المواجهة والفضفضة فقط

لاحد يجي يناشق بالرسايل الخاصة لأن هذا الموضوع فوق الجميع ..

<< اخس قوي عضلات ,,,,يتلفت يمين ويسار يحتري زبيرية سليمان تخم جبهته


يالله أبصك باب المجلس وعلى الجميع الصمت حتى اشعار آخر


المتحدث الرسمي باسم الشبكة : السامر

السامر أمامكم ورهن ملاحظاتكم

وأتقبل المواجهة بصدر رحب

بل صدر أوسع من سوق الخضرة حق بريدة

بانتظاركم ...

هواش ؟

أفا هذا وأنا متنعم ولاطسن شنبي كريم من بودي شوب طبعا حق المدام

تصدق مادريت اني ماغير اهاوش احسبي مابوه أهدأ ولا أنعم مني كالفراشة بالبستان

مير أشوى انك قلت لي تلقى الأعضاء متوحشين أجل

لاحد يخاف تراي ألالي بس كذا ولا الصدز اني وش ملحي <<اها بس

صدقت المدام تقولي أنت مامثلك لولا هالمنافخ

دايم انفخ وانا مادريت همن هي تورم خشتها علي همن عاد ابلش بالمراضاة ولازم وردة من الدوار اللي حول بيتنا

وبعدين يابو عبدالله هذا مهوب هواش هذا حماس وانطلاق واندفاع الى حيث تقطن المواهب

يعني أنا مثل ماردونا سنع بس بمنتخب الارجنتين وغيره ما شوفه شي

بعدين أنا عينت نفسي المتحدث الرسمي باسم الشبكة لاحد يهارجن

وانت يا سليمان عطنا دورات بالحلم والهدوء والتأني والحبابه

أمنيتي أشوفك رانعن أحد صدق هذا حلم حياتي

مرحبا بالمنبع والطيبة

أصبت كبد الحقيقة يا أختي فعلاً واضح من البعض أن هدفهم الكم وليس الكيف

وأنا كله كوم والألفيات كوم وكننا في عداد ليموزين

هذا مفهوم العرب من المنتديات هو كم كتبت يعني كم قرقت يعني الألفية هي مقياس هذرك

ليه مافيه كم ألفت وكم نقدت وكم حللت وكم ناقشت

وبالنسبة للأعضاء اللي لمحت لهم يا منبع واضح انهم فاهمين النشاط غلط

التواجد في موقع ثقافي يكمن في الابداع والابتكار وليس في نقل مايسقط من أقلام الغير وحتى لو كان المنقول شي مفيد لابد أن نرى لمسات الناقل

صحيح ما نستغني عن فكر غيرنا لأننا مكملين لبعضنا ولكن ليس معنا هذا أن يطفح المنقول على ابتكار الأقلام لدينا .. وهنا مربط الفرس

تمنيتك حددت شخص بعينه ليستفيد ويعلم أين نقاط ضعفه



رائع ما تطرقت له يا منبع الفكر والابداع

وأبيك تجين تحطين كل ملاحظاتك على أي عضو أو مشرف أو المدير بكبره أبد لا يهمك ماجاك علي <<< بيوهقها

وفيه ملاحظة تخصك سأفرد لها رد عشان تبحلقين فيها زين

وأنتظر منك ملاحظة تراي أموت بالمواجهات بس بدون هواش لأني وعدت المدير اني أتنعم ..

من السامر الى السامي ..


قلمك رائع وكلماتك رنانة ولكنك تقتصرها على أشخاص معينين وأقسام معينة ؟؟


خصوصاً وأنك أحد أهم الأعمدة في هذه الشبكة


ـــــــــــــــــــــــــــــــــــــــــ