يانابي الأرداف

فكرت بالدنيا وفيها تمعنت = شاهدتها امواج بمواج تومي
نظرتها نظره وانا ماتعلمت = ولا حسبت احسابها صرت دومي
أمواجها حيتان هذا ورا ذاك = وسباعة البران غبرٍ تحومي
ذيب البراري مع نسورٍ تعلاك = واسودها للضحك خوش القرومي
وانا ورا هذا وياليت لوذاك = وهو كما ذيب تحرى الهجومي
يأهل المعرفة كيف الأصحاب تشناك = من عقب مانتب لنوايب تقومي
أنا اشهد ان المال هو عضد يمناك = تصبح عزيز وبالسما طير حومي
احدٍ رفع يمناه قصده امناداك = واحدٍ خضع لرضاك لو كنت بومي
يانابي الأرداف انا طحت بحماك = رهن الأشارة ماورا من سمومي
يابدر عاشور سطع بين الأفلاك = يازهرةٍ فذا سقتها الوسومي
انا طريحٍ لاتصدق بنا ذاك = لاتصدق الحساد في كل يومي
ياروعتي ان قالوا الناس وش جاك = ياصعب نطقتها ويا كثر لومي

المشاركة الأصلية كتبت بواسطة أوركيدا روعه القصيدة رحم الله قائلها واسكنه فسيح جناته وجزاك الله الف خير ومد في عمرك على حسن الاختيار والذائقه الرائعه

المشاركة الأصلية كتبت بواسطة المعتزي السلام عليكم اخوي /اابو ضيف الله بيض الله وجهك ،واالا هنت اخي على النقل والترحم رحمك الله يابوحمود رحمة واسعة وامواتنا وامواتكم واموات المسلمين دمت بخير،والله يحفظك ويرعاك اخوك/المعتزي