ديوان المعتزي / عبدالله بن عبدالرحمن بن عمر اللاحم

بي ضيقتن تاتي على حزةعصير****=****يـاالله اناسائلـك تكفيـن شـره
قم يامحمـد ناويلـي مشيويـر****=****على اللذى اغلى من اللند سعـره
لك مشترى جديد ماساقه الغيـر****=****من الوكاله كاش بـوراق حـره
ودي اسج الرجل وافتـر واديـر****=****برضن خلا مافيه خلقـن تمـره
شب الحطب مابي تشب الدوافير****=****واحمس لنا بنن على صلو جمره
فوق نارها صف الدلال المباهيـر****=****فنجال من دلتك للـراس خمـره
وخط باالقلم وماحصل باالطباشير****=****ودي اهيض حـر كبـدي ومـره
الله من قلب اهمومـه محاشيـر****=****من كثر ماباالصدر خطرن يضره
احب اهل الخير واضن بي خيـر****=****ولاشلت في قلبي حقـد ومغـره
لى صفحتن ماهيب تحتاج تفسير****=****تفـرح صديقـي والعدوماتسـره
وانا لخويي مايجي من تقصيـر****=****وبعين العدو اسحن ملحي واذره
اجيب لك العلم من دون تدويـر****=****ولانجيـب العلـم مبهـم بسـره
ماجازت الصلاة من دون تكبيـر****=****والحج باالاسـلام يكفيـك مـره
خلوا احصان القوم مع المغاتيـر****=****ياصبر احصان القوم و ل الله دره
يصهل ينادي وينكم ياالمغاويـر****=****ساعة يصد وساعتـن ايتشـره
وردة اخيول فرسانهم جمة البير****=****واقفت حوفرخيلهـم دون جـره
جته الرسايل ثم جته المساييـر****=****قالوله تل اعنـان خيلـك وفـره
بعض الرمك ماحذيت باالمسامير****=****وبعض الرمك مهجنـه ماتسـره

للعان انامارحت ياحمود لي عـام********** =********** وطرى على اليوم ارقـاه واحـوم
وروحت للميلاف مع طرس واقلام********** =********** نطيت به والخلق في غرقة النـوم
الله يادنيـا كمـا شغـل الافـلام********** =********** تمضي بنا كنه سويعـات وحلـوم
ياما كسبنا مـن خطيـات واثـام********** =********** نذنب نحسب العمر ماهوب مصروم
ياما لهين عن صلـوات وصيـام********** =********** وكم مرتن بعنا الذمم بول السـوم
اتبع هوى نفسي بلاقيـد وخطـام********** =********** اعمالنا كم بـه عذاريـب وثلـوم

نطيـت بالميـلاف مانيـب تايـبّّ}******=******{براسه اصف القاف واملاء الملفـات
يالله طلبتك رد من كـان غايـبّّ}******=******{يالله وجـمـل سيـرتـه بالجمـيـلات
شاف العنا وشاف غربه وتعايبّّ}******=******{عساه يجيب يالله اعلى الشهادات
سليمان احرص لاتجي وانت سايـبّّ}******=******{ابوك عمره ماسعـى بالفشيـلات
ابوك من يومه شبـاب و شايـبّّ}******=******{له سيرة تـر جـح بكـل المجـالات
ابوك يوم ارسلك يبغا الغلايبّّ}******=******{يبغا الفخر عسى تحوز الطويـلات
احذر واناعمـك دروب المعايـبّّ}******=******{ولا تقرب اللي فيه شك وشبهات
احرص وسلمـك لايجـي به غرايبّّ}******=******{حافظ على دينك وفرظ الصلوات
واسلم ودمع العين بالعين رايبّّ}******=******{وأرسل وكلم لايجي منـك قطعـات

المشاركة الأصلية كتبت بواسطة الضيف الله يبارك بالشبكة واهله يابوعبدالرحمن اللي سمحت لنا بقراءة الشي القليل من المخزون لديكم والذي طالما سعينا الي سماعه منك اومن غيرك كنقلاً... فبارك الله فيك علي اتحافنا بدررٍ آن لها الأوآن ان تضهر وتقراء كي يعرف صاحبها اتقدم اليك بالشكرالجزيل نيابةٍ عن خوالك واخواني ولايسعني سوى الدعاءلك واقول بيض الله وجهك من وين ماتيمم تقبل شكري وتقديري لشخصك الكريم محبك ومغليك ابوضيف

المشاركة الأصلية كتبت بواسطة الضيف الله يبارك بالشبكة واهله يابوعبدالرحمن اللي سمحت لنا بقراءة الشي القليل من المخزون لديكم والذي طالما سعينا الي سماعه منك اومن غيرك كنقلاً... فبارك الله فيك علي اتحافنا بدررٍ آن لها الأوآن ان تضهر وتقراء كي يعرف صاحبها اتقدم اليك بالشكرالجزيل نيابةٍ عن خوالك واخواني ولايسعني سوى الدعاءلك واقول بيض الله وجهك من وين ماتيمم تقبل شكري وتقديري لشخصك الكريم محبك ومغليك ابوضيف

المشاركة الأصلية كتبت بواسطة بنت المدا قصائد يعجز لساني عن التعبير لجمال كلماتها ومعانيها يعطيك الف عافيه دمت وداااام ابداعك لك خالص شكري وحتراامي||~~

المشاركة الأصلية كتبت بواسطة مطارد البروق صح لسانك على القصيد الجزله ياعمي المعتزي سلام أحلى من حليب المصاغير في روضة عقب المحل زان جوه ترزم عليها من المزون المزابير تسعة عشر ليله فلا غاب نـوه ترتع بها ندر البكـار المغاتيـر وتفوح ريح الهيل ليا شب ضوه أخصها لجمع الرجال المناعيـر أهل النقاء وأهل التقاء والمروه

المشاركة الأصلية كتبت بواسطة ابو مراد صح السانك يا ابو عبد الرحمن قصائد رائعة لا نمل من قراءتها والمعذرة على التأخير بالرد لضروف متابعين لجديدك يا شاعرنا

ياالمعتزي يا مسنـدي عـز الاقـرابx*****=*****xيامن على ميلاف يجلس مـن الشـوق
تجلس كما ذيب(ن) يلجلج للأصحـابx*****=*****xيقنب وبطنه من لظى الجوع محـروق
ونا بعد مثلك تـرى القلـب منصـابx*****=*****xساعه يفوق القلب واحيان مـا يفـوق
جرح(ن) قديـم ولا تداويـه الاطبـابx*****=*****xلاج(ن) بلاجي مهجت القلـب بعـروق
القلب غاد(ن) لـه شبابيـك وابـوابx*****=*****xوتلعبـه الاريـاح مـع كـل طـاروق
عجزت اسكن روعتـه بيـن الانشـابx*****=*****xلولا الإلـه اللـي كفـل كـل مخلـوق
يا الله ياللي للدعـاء فاتـح(ن) بـابx*****=*****xيا مستجيب(ن) بالعطا لكـل مخلـوق
أنت الكريم اللـي رحـوم(ن) وتـوابx*****=*****xما ينحصى جـودك ولا عايقـه عـوق
هم(ن) يـروح وهـم للقلـب ينتـابx*****=*****xتارد على قلبي لـه أشكـال وطبـوق
مثل الغريب اللي سكن بيـن الأجنـابx*****=*****xفيه المقـام وللأهـل حـاده الشـوق
دنيا تخيـف ولا لـه اليـوم مقضـابx*****=*****xولابه لـراع الديـن والحـق منطـوق
يا حول ياللي طاهـر القلـب وثيـابx*****=*****xيمشي علـى النيـه ولا يعلـم البـوق
ما يدري ان حولـه مغـارات وإذيـابx*****=*****xتركض على لحمـه كمـا زرق زاروق
ناس(ن) تحسبه لا هرجته لك اصحـابx*****=*****xمنطوقها لين علـى الكيـف والـذوق
وهي تغيـر وتتبـع الركـض مهـذابx*****=*****xاليا حصله فرصـة(ن) تأكـل احقـوق
وايات ربـي نسمعـه نطـق وكتـابx*****=*****xاويـل منهـو ياكـل الحـق ويبـوق
وناس(ن) شرفها عالي(ن) بين الانسابx*****=*****xتدفع بواجبهـا مـن المـال وتسـوق
كبار الصحون اللي عليها الشحـم ذابx*****=*****xوحجاج لا قابلك ينبـي عـن الشـوق
جاك الجـواب اللـي كتبنـاه بكتـابx*****=*****xهيض علي القول رجمـك و منطـوق

نطيت باالميلاف والنـور قـد غـاب×******=******×وهيضت في راسة انا كـم طـاروق
ظلعن جنوب ؟ ماعنـه مجنـاب×******=******×عسرن على الراقي ولاهوب مطـروق
خط يامحمـد سجـل اليـوم ماطـاب×******=******×يا محزمي عساك تسلم مـن العـوق
سق القلم خال ريشتة تقـل مثعـاب×******=******×على الورق خله تقـل رااس مفلـوق
قم ياستر من خضب الكـف بخظـاب×******=******×قم يامحمـد يـاذرى كـل معشـوق
هاظ الحشى وجاب يالقـرم ماجـاب×******=******×بدعن من الخافوق ماهوب مسـروق
رد الجواب للى لنـا ارسـل اكتـاب×******=******×ارسل لنا جمـران فيظـة ومنطـوق
جاب الخبر بالمختصر مابه اسهـاب×******=******×والمختصر ينبيك عن باقـي الشـوق
حرن صميدع من عريبيـن الانسـاب×******=******×رجلن عميق الاصل من ساس وعروق
جمران ظلعن شوفتة تطـرب اطـراب×******=******×منيف شامـخ مـا تعـلاه مخلـوق
ابو عمرمـن لابتـي اهـل الالبـاب×******=******×رجل رزين العقل ماهـوب مطفـوق
له مجلس فيـة الاقـارب والاجنـاب×******=******×بابه على الشارع مشـرع ومدلـوق
اكتب لمـن قلبـة يشـذب بمشـذاب×******=******×ومن الهوى غادي مخـرق ومفتـوق
يابو عمر من صابة العشـق ماطـاب×******=******×لاشاف محبوبة غدى تقـل مصفـوق
محدن يتوب من الهوى قل من تـاب×******=******×لطرولـه الرعبـوب يجيـه خافـوق
وابشر بعزك ما اتزحـزح والااهـاب×******=******×اسبق على العلياء ولانيـب مسبـوق
يابو عمر بالمال اوضـرب مشعـاب×******=******×عجل عليناء بـس اشـر بمنطـوق
وصـلاة ربـي عـد ماخـط بكتـاب×******=******×على النبي اعداد ما شعشـع ابـروق

ابيوت كتبها ابوفارس مادري من قوله او من منقوله
(ولـو كانـت مـن منقولـه فهـو موجهـا لـي)


سلام أحلى من حليب المصاغير<>*****=*****<>في روضة عقب المحل زان جوه
ترزم عليها من المزون المزابير<>*****=*****<>تسعة عشر ليله فلا غاب نـوه
ترتع بها ندر البكـار المغاتيـر<>*****=*****<>وتفوح ريح الهيل ليا شب ضوه
أخصها لجمع الرجال المناعيـر<>*****=*****<>أهل النقاء وأهل التقاء والمروه

حييت يارعي االدلال المباهيـر<>*****=*****<>على اوجاره ماطفت يوم ضـوه
في مجلسه دايم تلاقي مساييـر<>*****=*****<>اخذ اسلوم ابوه من يـوم تـوه
له صفحت ماسطرة منه تقصير<>*****=*****<>خيره كثير وللعدو صـب سـوه
احمدابوفارس على الشروالخير<>*****=*****<>له خوتن ماهيب ادنـات خـوه