المشاعر الشعرية من بعض أهالي الشماسية

لاضاق بالي من هـذر كل هذار=إمدور النمه أخو نافـخ الكير
دنيت مايدني مسافات واقطار=ماطور توشيبا وكونكته القير
خطه سما ماخطه امخطط القار=منصاه صورة مَعَلَمَ ايساره امير
في صدره اللي حاوي ن كل الاخيار=اقلط على الواجب وفنجان تبهير
ابريدة نت ياطيب ماكنت ابا اختار=المنتدى اللي حاز اعلى التقادير
ماهي بقدم الوقت او كثر الانفار=من بعد فضل الله جهود المناعير
في راس عيطا اشعلوا لاضي النار=اقروم ابريدة مايهمه مخاسير
وردوا قراح ن من بعد عزم واصرار=ماهم من اللي ناقصن حبله اقصير
يارد صفير الدلو مع حفنة اغبار=خاب وتخيب موقع الخايب اخير
وبريدة نت الاول اليوم بـه طار=نصر الاصيله في توال المضامير
واللي أعرفه شي بسيط واخبار=ان فيصل وفيصل خيرن بعد خير
عضايم افعوله في عينه اصغار=جهدن وجاه وكاش ولا فواتير
في طلته جميل ع كل الانظار=ياكبر حبي له وانا قلبي اصغير
فيصل وفيصل ديم مزن ن وامطار=امطار خير ن للمواطن وتعمير
اسهرت الانماء لليل واتعبت الاعمار= بكل القصيم اليوم نهضة وتطوير
هذاك تعليم وصحة وذي دار=ابن الوطن في حكمكم عيّن الخير
قلته مواطن متعب الحال بسفار=الشرق مريته وللغرب تسيير
ماشفت انا يا داري مثلك بعد دار=وليا بغيت اتشوف وتقيس تقدير
عليك بالفرجـة جون و إبحار=وفي عودتك ودي نشوف المعايير
حق ن ابتنكس والصدر فوقه اشعار=الملك عبدالله ولا اشوف انا غير
ياقاكم الله يا السعود امن الاخطار=وبحماه يحما اميرنا واضح السيـر
ابو اليتيم اللي عليه الزمن جار=طلق الأسير اللي حضوضه مخاسير
وياحبر شعري لو تبدلت با انهار=خطك نكس مرواس شعر وتصاوير
ما وفيت انا داري ولا فتحة ازرار=وسجين حبي ما كفلته التعابير

دق هاجس بالقلـب هيـض سليمـان**=**********الشاعـر اللـي بالتماثـيـل بـانـي
وقلبه على ما صار ما هـوب ندمـان**=**********مـا علـق الخاطـر بكثـر التمانـي
ما هان راسي في هوى النفس ما هان**=**********الحـر يشهـر مـا يحـب الطمانـي
المقبـل اقبـل لـه بحـب وقـبـلان**=**********والمقفي ما له في ضميـري مكانـي
والمقبل يلقانـي علـى كـل عنـوان**=**********والمقفي ما لديـت لـه لـو دعانـي
طرد المقفـي فيـه نقـص وحقـران**=**********والنفس عـزه يـا عريـب المجانـي
والله لـو ان الكبـد يصـلاه نيـران**=**********كرامـة الانسـان فـوق المعـانـي
من لا يبادلـك الغـلا وانـت شفقـان**=**********يروح ولا نفسـك يجيهـا الهوانـي
اليوم اشوف الذيب يجفل من الضـان**=**********واستفرست عقبه اعيـال الحصانـي
وقتٍ يخلـي صايـب الـراي بحـلان**=**********الله اكبـر يـا عجـايـب زمـانـي

قال الذي ما ذاقت النوم عينه 00000=0000000000000000حده عن المرقاد كثر التفاكير
الليل طرّف والكرى عايفينه 00000=0000000000000000واهموم قلبه بين ورد ومصادير
ياخالق المخلوق عالم كنينه 00000=0000000000000000يا واحد بيديه حل المعاسير
قلبٍ بلي بالهم يالله تعينه00000=0000000000000000وتبدل الشده علينا تياسير
وياراكبٍ من فوق صاف المكينه 00000=0000000000000000جيب جديد ومنوةٍ للمشاوير
الفين وستة توّهم مشترينه 00000=0000000000000000اللي على مثله تساق الدنانير
توصل جواب للوفي كاتبينه 00000=0000000000000000عليه والله ما تضيق المعابير
من قبل تنشد والعرب عارفينه 00000=0000000000000000لاجيت يالمرسول دار المناصير
اهل الفعول وسلمهم حافظينه 00000=0000000000000000متوارثين الطيب ناسٍ مشاهير
دخيلهم وقت الطلب محتمينه 00000=0000000000000000وحلالهم يرعى بظل البواتير
تلقى صديقٍ بالوفاء خابرينه00000=0000000000000000مبارك القصيلي عشير المناعير
سلم عليه ومجلسٍ حاضرينه00000=0000000000000000في مجلسٍ فيه النشاما حواظير
سلام احلى من حقوق الغشينه00000=0000000000000000وانوج من الريحان عند العطاطير
اعداد نجمٍ بالسماء مرقبينه 00000=0000000000000000وعد النبات وزاهيات النواوير
للشور يامرسولنا ذاخرينه 00000=0000000000000000ما ضاع من سند عليه التشاوير
يعطيك رد القيل وافي بحينه 00000=0000000000000000رجال عرف ومن كبار الشواعير
وقله يقول الوقت بيّن سنينه 00000=0000000000000000واشوف صلفات البلاوي مغاوير
ودرب بداية وقتنا سالكينه00000=0000000000000000اشوف يامبارك حصل به عواثير
والدور الاول راح واقفى ضعينه 00000=0000000000000000ومن فكـّر بدنياه شاف التناكير
طمع الثعل بالذيب يبغى يهينه00000=0000000000000000والحر طمعت به فروخ العصافير
ومن سافي الغربي امالي دفينه00000=0000000000000000وعقب المطر هبت علينا المعاصير
وتقطعت رجوى ضنين بضنينه 00000=0000000000000000عقب رجاء اللقوا تقافوا مقاطير
وحنا بقينا وسدنا جاحدينه00000=0000000000000000ندرى الملام وخايفين الاشارير
واخاف انا من حال شمراخ طينه 00000=0000000000000000ما تشاف ولا معها تفيد المحاذير
في صاحبٍ كن القمر في جبينه 00000=0000000000000000والعين عين اللي قنوه الصقاقير
حر ينومس بالهدد ناقلينه 00000=0000000000000000حر عذاب الطايره والمخامير
خلٍ نفل جيله بوصفه وزينه 00000=0000000000000000وجوابه احلى من حليب المغاتير
لاهيب لا نشه ولا هي بدينه00000=0000000000000000شط الردوم او نابيات الحمارير
سميها بالدرسعي كود وينه 00000=0000000000000000وسبعمية وشخصٍ يحوف المباهير
وقف ردي الحظ بيني وبينه00000=0000000000000000وضاعت علي حيلتي والتدابير
هب الهوى عكس اتجاه السفينه 00000=0000000000000000هذا النصيب اللي كتب والمقادير
ما قصدنا من بعدنا مرخصينه 00000=0000000000000000حنا على شوفه نسوق التباشير
تم الجواب اللي لكم مرسلينه00000=0000000000000000الله يكفيك العنى والمكادير
وعلى نبي سنته تابعينه 00000=0000000000000000صلاة ربي عد وبل الشخاتير
واعداد من زار الحرم والمدينه 00000=0000000000000000واعداد سكان المدن والمقاصير

سحر العيون وسحر هاك الخدودي ***==******ما هوب يبرا لو تداويت ما طـاب
قالت منيره قلت واف العهـودي ***=*********انا على دينـي ولا نيـب نصـاب
قلبي هفا يمـك وعيـا يعـودي ***==*********يا حول يا قلب ٍ تعرض للانشـاب
يا ليت منهـو يملكـك بالنقـودي***==*********=ويسوق ما يملك معه كل ما طاب
وابوحلك يازين خافـي اسـدودي ***=*********وشفي غليل القلب بالحب منصاب
قلبي معك حطيه بيـن النهـودي ***=*********وصبح محله حامي الشوق لهـاب
الله يبحك يـوم تفتـل اقيـودي ***==******يوم انشدك كني عن الوعي بغياب

ياصاحبي بعض الأوادم مطافيق=يبطش ولاله مع هل الذود سجه
كنه مع العربان خيله مسابيق=يروغ والحصني تقفاه عجه
ناس تفاخر به وناس ملاحيق=مثل الدبش في مرتعه مستجله
زول(ن)وهو معلاق بين المعاليق=ماغير ثوب والهبايب تكجه
حلو اليا شفته ومر(ن)اليا ذيق=حيه ثرا والبال عنها بلجه
شوك(ن)ظهر فالوقت بين الزمالايق=ماطات رجلك لاتراخت يخجه
ماكنه لاحر في عالى طويق=والبوم عن مرباه بالك يسجه
ماله مع اهل الطيب بصمه وتوثيق=محرم وهوماله مع القوم حجه

ياعل برق (ن) ناض مايتبعـه عـج=ينساق لين الـدار يـروي ضماهـا
في كال عام نشـوف برقـه توهـج=حزت مغيب الشمس تبـدي خفاهـا
تسعة عشر يـوم مطرهـا تزاعـج=يروى بها الضميان من صاف ماهـا
وليا لفيت الروض روض (ن)تبهـج=همـال وسميـاً بفضلـه غشـاهـا
في ضل حكام (ن) لهم فالوفاء فـج=هم ساسها هم ضلهـا هـم ذراهـا
الخيـل للخيـال والعـلـم منـهـج=وبيت بلايا سـاس عايـب ابناهـا
من تاه في بحر(ن) أمواجـه تدلـج=يتبع نجوم (ن) يقتدي فـي ضياهـا
نجوم ماهي أرسوم شكل (ن) تبهرج=ما يستـوي نجـم ونجـم غطاهـا
يالعبد لا تتبع ثـرى النقـص تفلـج=دنياك ببـلا صـدق مكثـر عناهـا
اترك دروب الغي ونهج هل الحـج=ونص الفياض اللي مزون (ن) سماها
الحمـد للمعبـود عالـم بمـا لـج=وسط الضما ير والسرايـر قراهـا
تمت وصلو عد محـرم ومـن حـج=على نبيـاً بشـرف الديـن جاهـا

يالعـبـد مهـمـا طابـلـك لا تـرجـاه***=***اشكـر أيـلاه الكـون وقـنـع بمـالـك
تـرى القناعـة كنـز والكـنـز تلـقـاه***=***يـومٍ تصافـي لـه ويــومٍ صفـالـك
رجلٍ ( ن ) يحوش المال من كـد يمنـاه***=***أخيـر مـن يمـنـاه تـرجـي ريـالـك
العـز رأس المـال والطـيـب مبـنـاه***=***قصـرٍ ( ن ) بليـا طيـب مـا ينعنالـك
لا تتبـع المقفـي وتمـشـي بـرجـواه***=***دربـه سـراب ويسلـب الوقـت حالـك
أبعـد عـن الـلـي نـاقـلٍ داه بــرداه***=***وأغنم من اللـي ليـا هـرج سـر بالـك
أبعد عـن اللـي يقـرب النـاس يشنـاه***=***أحـذر تجـاري لـه ولا هـو جـرالـك
سيـل يشيـل اللـي بـدربـه ويـاطـاه***=***جنـب عـن دروبـه وبـالـك ينـالـك
أحـذر رفيـق المصلـحـة والمحـابـاه***=***اللـي هــذا طبـعـه يــدوربـدالـك
لا تامنـه لا تنـخـدع فــي مـلاقـاه***=***سحاب صيفٍ ( ن ) صافيٍ ( ن ) لك قبالك
أتبـع ثـرى الطيـب وراقـب للمـشـاه***=***ممشاه في دربٍ ( ن ) على الحق سالـك
ولا تفشـي أسـرارك وتكشـف خفايـاه***=***تصبـح رهيـن اللـي زهالـك ونـالـك
الديـن تـاج الـرأس والعـلـم مـبـدأه***=***لو كنت مـا تأصـل هـل الجـاه شالـك
وإن كان نفسـك فـوق تطمـع لرؤيـاه***=***ناجـه ولا تشكـي علـى النـاس حالـك
أدعـه بتـال اللـي لجـلـك ولـرضـاه***=***وفـي حاجتـك أطلـب ولـح بسـؤالـك
يالله يـاعـالــم بــالأحـــوال يالله***=***ياسامـع (ن) مـن لأذلـك ولتجـا لـك
تغفـر ذنـوب اللـي كـثـار خطـايـاه***=***عبدٍ ( ن ) ضعيف ومن عنى الذنب جالـك
آميـن قولـوا وأكثـروا مـن منـاجـاه***=***عتق مـن اللـي وسطـه إبليـس هالـك