الداعي/سليمـــــــــــان المطـــــــــرودي

سلام للغالي عزيزي سليمان=الشيخ ابن عمّي رفيع المناسيب
مطرودي معرّب ومن نسل بدران=ومن طاب جدّه ماتجيه العذاريب
فيه الكرم والجود مبدا وعنوان=وفيه الوفا والطيب راعي مواجيب
واثني سلامي للجماعه والاخوان=ولورودنا اللي تنفح المسك والطيب
ولهل الشماسيّه هل المجد والشان=اللّي تعلّو شامخات المراقيب
حضرت اشارك بالقصايد والالحان=في كلّ فن ولي علوم وتجاريب
امّا يجي بيتي منظّم ومليان=بلا تكلّف أو صعوبه وتعذيب
والاّ تركت الشعر لفلان وفلان=اللّي يصرّفهم ضعيف التراتيب
واعطر تحيّاتي بكادي وريحان=وللّي قرا حرفي سلام وتراحيب
ماغرّد القمري على روس الاغصان=متمايلٍ على الرياض المعاشيب
وصلّوا على المبعوث من نسل عدنان=وآله وصحبه عدّ ذاري الهباهيب

اهلا عدد ما هل ودان الامزان = وما سيلت وديانها والاداعيب
وما حرك النسناس عشب ٍ بريضان = وزهر ٍ تفتح في رياض ٍ مخاصيب
واعداد نجم ٍ بالسماء كل ما بان = ترحيبة ٍ ما تبدي الشمس وتغيب
احلى من البارد على كبد ضميان = في كنة الجوزاء وحام اللواهيب
بالشاعر مشاري سلايل كحيلان = نسل الضمين معرب الجد تعريب
معرب ما بين خال وعمان = ماكر حرار في علو الشخانيب
رجل كريم ٍ للمواجيب نيشان = ومجنبه ربه عن العيب تجنيب
من فاز بالاخلاق والدين وايمان = حاما على حق الاهل والاصاحيب
واثني بترحيبي الى سقت قيفان = للي لهم بالطيب جل المكاسيب
ربعك يا بن عمي اهل دار عثمان = اهل الفيحاء مدركين المطاليب
وصلوا على المختار ما هل ودان = واعداد ما خط القلم بالمكاتيب