طعنتني بالقلب

#1 07-30-2010, 09:28 AM

لوك تعرف الحب وتعيش جوه = ماكان تجفا من يودك ويغليك
منتب صغير السن ونقول توه = ندمح خطاك وزلتك مانجازيك
بجفاك انا واللي تريده فسوّه = والله مايطرى على بالي ارضيك
هذا جزاء من طاع هرجة عدوه = اللي هرج فيني وعندي هرج فيك
طعنتني بالقلب وحطيت هوه = هذا جزاى وغلطتي واثقٍ فيك
انكرت طيبي ياقليل المروه = يوم الدهر ظامك وعن الناس مغنيك
ضيعت غيرك تدعي بالفتوه = ماتدرى انه ماوطا الناس واطيك
لا بد من ضعف يجي عقب قوه = وترجع تحسب وش لك عند واليك

اتمنى ان تنال القبول

(( من منقولاتي القديمة))
الضيف محمد اليوسف

07-30-2010, 04:31 PM

السلام عليكم
اخوي/الضيف
صح لسان الناقل والقايل والله لا يهينك على هاالاختيار

ضيعـت غيـرك تدعـي بالفتـوهماتدرى انه ماوطا الناس واطيـك
لا بد من ضعف يجي عقـب قـوهوترجع تحسب وش لك عند واليك

ضيعـت غيـرك تدعـي بالفتـوه=ماتدرى انه ماوطا الناس واطيـك
لا بد من ضعف يجي عقـب قـوه=وترجع تحسب وش لك عند واليك
صصصصصصصحيح

شكر
دمت بخير،والله يحفظك ويرعاك
اخوك/المعتزي

07-30-2010, 09:00 PM

حياك الله يالراوي

ولاهنت على طرح هذه القصيدة

قصيدة تحمل معاني قوية

لك مني وافر الشكر والتقدير على اتحافنا بها وعلى حسن الاختيار

بانتظار ما يماثلها

والله يحفظك ويرعاك