الرب اذا تحتاج له صرت نبراس ( سعد علوش )

#1 08-28-2010, 02:57 AM

قصيده للشاعر الممتع / سعد علوش
أتمنى ان تنال على اعجباكم وأن تصل الى جزء بسيط من ذائقتكم الشعريه .

شاعر وذنبي غير وسكوتي اجراس
ونفسي على ما الله عطاها فقيره

من كثر ما اعطي حب واخلاص واحساس
انا ما عاد اعرف وشلون اصيره

في عقلي الباطن عقيده ونوماس
وفي واقعي خوف وتردد وحيره

هل ياترى ببني على حلمي أساس
ام ياترى بابقى على هالوتيره

والافلااس ماهو من حلم ..الافلاس
اذاك ماتملك لنفسك بصيره

الرب اذا تحتاج له صرت نبراس
والادمي لا احتجت له صرت اسيره

الانسان لو يملك من الجن حراس
احقر ذبابه قادره تستثيره

صغير الادراك وصغير الياس
يشوف كل الناس مثله صغيره

كل ما اكتشفت من الاصاحيب بلاس
اقول يالله جعل في الامر خيره

خيره اذا تعرف من اصحابك اخساس
خيره ولكن ياعساها الاخيره

اقسى جروح الناس تغلبه بنعاس
مايذبح الانسان الا ضميره

بعض البشر مثل ابتسامات الاعراس
على كثر ماهي مثيره ضريره

وحيد ولاعندك من الناس جلاس
اخير من شر الكلام وسعيره

والكل مايخلو من اخباث وادناس
في كل نفس هناك حاجة حقيره

من قبل ما اسوي مشاكل مع الناس
عندي معا نفسي مشاكل كثيره

08-28-2010, 03:36 AM

الرب اذا تحتاج له صرت نبراس
والادمي لا احتجت له صرت اسيره

الانسان لو يملك من الجن حراس
احقر ذبابه قادره تستثيره

بن علــووش منطوقه مـآبعـَده منــطووَق
سـعد شـآعـَر كبيــَر ومن أفضـل الشعــَـرآء
وميزت شعـره السهل الممتنـَع كلمــآت يفهمها الجميــَع ولـكـَـن لايقدر عليــهآ الجميــَع
وهدوءه يــزيد القصيـده جمــآلاً

أختيــآر رآئع [ الســـآمـي ] عـوآآفـــــَي

08-28-2010, 03:47 AM

يعطيك العافية على القصيدة الرائعه
اخي السامي اشكر لك ذائقتك
وحسن اختيارك
لاعدمنا تميزك الدائم
دمت بخير وعافية

08-28-2010, 04:17 AM

حياك الله يالسامي

ولاهنت يالغالي على طرح هذه القصيدة الرائعة

لك مني وافر الشكر والتقدير على اتحافنا بها وعلى حسن الاختيار

بانتظار ما يماثلها في القادم من مشاركاتك

الله يحفظك ويرعاك