ياعل برق (ن) ناض ما يتبعه عج .....

ياعل برق (ن) ناض مايتبعه عج = ينساق لين الدار يروي ضماها
في كال عام نشوف برقه توهج = حزت مغيب الشمس تبدي خفاها
تسعة عشر يوم مطرها تزاعج =يروى بها الضميان من صاف ماها
وليا لفيت الروض روض (ن)تبهج= همال وسمياً بفضله غشاها
في ضل حكام (ن) لهم فالوفاء فج= هم ساسها هم ضلها هم ذراها
الخيل للخيال والعلم منهج = وبيت بلايا ساس عايب ابناها
من تاه في بحر(ن) أمواجه تدلج=يتبع نجوم (ن) يقتدي في ضياها
نجوم ماهي أرسوم شكل (ن) تبهرج=ما يستوي نجم ونجم غطاها
يالعبد لا تتبع ثرى النقص تفلج= دنياك ببلا صدق مكثر عناها
اترك دروب الغي ونهج هل الحج= ونص الفياض اللي مزون (ن) سماها
الحمد للمعبود عالم بما لج = وسط الضما ير والسراير قراها
تمت وصلو عد محرم ومن حج = على نبياً بشرف الدين جاها