لاضاق بالي من كثير التفاكير/سليمان المطرودي

لاضاق بالي من كثير التفاكير =ركبت ما يدني بعيد الرهاريه
جيب ما خصص للعمل والمسايير =من نقوته جديد للبر شاريه
ابيه لا صارت ابصدري محاشير =اهموم قلبٍ دايم ما تخليه
مريت عشيرٍ لي عشير المناعير =عز الرفيق وعز من هو يماشية
اللي صبورن في بعيد المشاوير =وم ان بعض الناس تكثر طواريه
وهو عشيري بالليال المعاسير =لا من ولد اللاش لقا علابيه
نقوة رفيقن من رجال مشاهير =بالطيب والمعروف تعرف اهاليه
ما رافقن مصلوح في نية غير =رفقة ارجال لـه تقوده مبادية
ونمشي بعون اللي عليه التدابير =لجو بعيد طايب كيف ناصيه
جو خلا عقب المطر ما بعد زير =ما غير فيه الطير تسمع غناويه
ونمسي خلا والبال ما فيه تكدير =تحت النجوم وزايد الهم ناسيه
واشب لي نار قبل غدوة الطير =في موقع نبته من الوسم زاهيه
هذا ادواي ومنوتي ياهل الخير =وقلبي كثير المال ما هو بمشقيه

المشاركة الأصلية كتبت بواسطة أوركيدا قصيدة رائعه صح لسان قائلها وبارك الله في ناقلها لاعدمنا ذائقتك دمت بخير وعافية

المشاركة الأصلية كتبت بواسطة المعتزي السلام عليكم حياك الله اخوي/وحيد ومن العايدين الفايزين كل عام وانت بخير توي اشوف هاالزين الف شكر على هاالهديه ،ومقدي لا تستاذن ابد بذمتي حلال مايفيد ببو عبدالله الى كذقصرنا نشحذه بس اعرف تركيب القصيدعندي انه ناقصه كم بيت ممكن هناك سبب لاكن نبي الرد اخلص علينا وان لقيت قصايد لبو عبد الله نزلهن بسمي لا يدري انه انت كان تخاف يزعل عليك انا ماعنديبه دمت بخير والله يحفظك ويرعاك اخوك /المعتزي

المشاركة الأصلية كتبت بواسطة مجاديف العطا ياسلام سلم وتسلم يالغالي ويسلم راس ابوعبدالله ولاعدمناكم وهالمرة نبي نطلبك ملينا من كثر ماطلبناه لا صار حولك شيء لقائد مسيرة الشعر في محافظة الشماسية لا تبخل علينا