ياعيال من فيكم يبيني اوصيه

الشعر اقبل لـي زانـت معانيـه*****=*****وركبت على موجه وغصت غبـه
اصوغ من فكري مانيـب شاريـه*****=*****فكري يصوغ القاف وقلبي يربـه
كل ادمـي لابـد الايـام تكويـه*****=*****ومن الهوى كل عود يجيه هبـه
درب الخطاممشيه ولا يوم ناويـه*****=*****واقـدم الاعـذار للـي وقعـبـه
ياعيال من فيكم يبينـي اوصيـه*****=*****الموت مدري ويش بعدة وقربـه
الاولـه احـذر فرضـك تخليـه*****=*****من يهمل الصـلاة ياكـود ذنبـه
واحذرمن اللي ماتشوفه يصليـه*****=*****لا تقرب الاجرب يعديـك جربـه
ولوالديك قل سم وابشـر ولبيـه*****=*****دنق على ايديهم والـروس حبـه
اخوك داو جرحه جرحك يداويـه*****=*****وخل بينكم دايم خـوه وصحبـه
وارفع راسك لسمـاء لا توطيـه*****=*****الرجل مايشكي على غيـر ربـه
وبعد عن اللي لا كسب ذنب يبديه*****=*****لااصبـح لقيتـه يتميلـح بذنبـه
وسمع كلام من ينصحك لين ينهيه*****=*****يمكن يكون لمشكلـك هـو طبـه
وماكـل رجـالٍ تعرفـه تواليـه*****=*****ولا كـل رجـالٍ كرهتـه تسبـه
والسر امن تحت الاظلاع تطويـه*****=*****احـذر بكـل اذنٍ سـرك تصبـه
ولا ترافق اللي ماترقـع بلاويـه*****=*****وابعد عن الكـذاب جنـب وكبـه
جنب عن النمام احـذر تماشيـه*****=*****وقبل تسولف زل هرجـك وعبـه
وعن الخوي انشد قبـل تخاويـه*****=*****وخل الذي لا حتجت ماينفزعبـه
وسس لبيتك قبل ترفـع مبانيـه*****=*****كم من ولد خاله عرقه جذبه
والحض وهبه ماحد قال شاريه*****=*****الله قسم لكل مخلوق كسبه
ولا تحقر الرجال وتعيب ماضيه*****=*****توبه صدوقه كل ذنبك تجبه
وعط الرجال احقوقهاوالمشاريه*****=*****وللجود خل بالنفس همه ورغبه
وكل دين احرص لا يطالبك راعيه*****=*****لاتصير لراعي الدين بالحلق نشبه