#1 09-20-2011, 11:35 PM

الحر يزكى... والدجاجه.. دجـــاجـــه.... وماني على بعض المقاريد مجبــور,

الضـرس قلعــه لاتـألــم عـــــلاجــــه... لاصــار ما ينفــع معه طـب دكتـــــور,

وحكى القفا بالناس عيب وسماجه... واللي يتتــبع عرض الأجـواد مثبـــور,

{نارد} قراح الماء ونـترك هـماجــــه... هـذا لنـا مبـداء ومنـهج ودسـتــــور,

واللي يطفي في الغداري سراجـه...لايحــتري قمــراء ولايــرجي النــــور,

تراهـ يضــيع صيــدته في عجاجـــه...لايسمـع الناصح .. ولايـأخذ الشـــور,

والكل يبخص في الشدايدخراجـه... لانشبت اللقمه من الغبن في الزور,

والحظ لابان الـردى في حجاجــه... أصبـر مـدام الصــبر يأخوي مـــقــدور,

الله خلـق كـون وسيـع ..فجاجـه... والـعبد لويـطرد وراء الـرزق مــعــــذور,

{ورااع{ الرفيــق ولاتعـكر مزاجــه...خــلـه سعيـد دايــم الـدوم مـســرور,

كسرالخواطر مثل كسراالزجاجه... نفس البشردم.. وأحاسيس وشعـور,

واللي يتصدد مالكم فيه حاجــه... يالله عسى اللي يدور الستر.مستور,

وحذرا تصيرلبعض الألسن علاجه...بعض البشر يحلف ويشهد على الزور!!

والتمر يعرف طيبه من خماجــه...ماجـور ياللي تـدهــل الطـيب مـأجــور,

الواحـد القـهار رااعــه ونـاجــــه... الله يـكفـينا من الضـيــم والــجـــــــور,

يقوله اللي قاسى الوقت عاجـه.. صابر وهمه داخل الجوف مــــقبور!!

أتمنى أن تناااال أعجابكم.

ــ

09-20-2011, 11:39 PM

مايعجبكـ دائماً يعجبنا .
كلماتـ رائعه
اللهـ يعطيكـ العافية

09-20-2011, 11:41 PM

كـسـرالخواطر مثل كسرالزجاجه
نفس البشردم وأحاسيس وشعـور

اختيار جميل يارحيق ذوق شعري ملي بالشعر .
الف شكر لك لااتحافنا بها .

09-21-2011, 12:02 AM

اقتباس:

المشاركة الأصلية كتبت بواسطة المهندسـ

مايعجبكـ دائماً يعجبنا .
كلماتـ رائعه
اللهـ يعطيكـ العافية

الله يعافيكـ.

مروركـ شرفني.

09-21-2011, 12:03 AM

اقتباس:

المشاركة الأصلية كتبت بواسطة الــســامــي

كـسـرالخواطر مثل كسرالزجاجه
نفس البشردم وأحاسيس وشعـور

اختيار جميل يارحيق ذوق شعري ملي بالشعر .
الف شكر لك لااتحافنا بها .

أشكركـ أخي السامي.

مروركـ شرفني.

09-21-2011, 10:14 AM

لا أعلم أذا كنتي قد نقلتي القصيده أو كانت لكي فأذا كانت لكي فهي تنم عنى عمق الحكمه وجمال الشعر
لكي مني جزيل الشكر
وأنا اقراء القصيده عشت جو شوي
وقلت هلبيت وكتبته قبل أنساه
جنب عن الي تالي الوقت عاجه@@@@ خلك مع الي ذكرهم دوم مشهور

09-21-2011, 02:09 PM

الف شكر لك ساجر.

مرورك شرفني.

10-07-2011, 05:00 PM

السلام عليكم ورحمة الله وبركاته
.,’.,’.,’.,’.,’.,’.,’.,’.,’.,’.,’.,’.,’.,’.,’.,’.

صح لساااااانك غاليتي / رحيق البدارين

قصيدة رائعة

.,’

تقبلي مروري

و دمتِ في حفظ الله ورعايته