صحصح يا نايم مانفع كثرة النوم
وعينن تكحلها كحلها عماها
.
باين جملنا لأعرض الجيش موسوم
ولا كل من رام الطويله رقاها
.
ياشيخ زين ان كانه يطيح ويقوم
غيره ليا بيطح تعزاء رجاها
.
عسير رزقك كان ماهو بمقسوم
عطشان وغيومي تشح بسماها
.
احيان اتعرى وانا لابس هدوم
لجل ستر ناس ن كسرها حياها
.
الجوع والتذكار والليل والبوم
ذلي سكاكين الحياة ودهاها
.
يا نور عيني لاتزيديني الوم
غلاك عشعش بالضلوع وملاها
.
من قبل اعرفك كنت تايه ومنجوم
وعيني بعد عشرتك دلت جداها
.
انتي اخذتي من العشق مفطوم
وانتي رويتي مهجتي من هواها
.
ماني وانا نايف غلا غيرك اسوم
ياطهر من انفاس الحياة وشداها
.
معزتك عندي عدد غير مقسوم
تربيع ضربه (فايها) واشتكاها
.
السيل لا شمل روى جوف لملوم
وانا رويت قلوبها من شذاها
.
بلقيس لو عرشك ورى قيصر الروم
ساس اليمن ساسه ومده مداها
.
الله يا وقت ن ملا جفني وشوم
زمان راح بذكريات ن حواها
.
ختم على صبر المعنى له اختوم
عج الضنك رمله حفى ما محاها
.
يا هنوه سكينك عمى طس مثلوم
مابيك كانك صاحبي في رخاها
.
لي بالشدايد قوم تطحن رحى قوم
لانته ولا ربعك تجي مستواها
.
(اكرخ) مثل غيرك علينا ويجي يوم
تعرف ثعابين الهرم من عصاها
.
الكام يفضح كان قربلك الزوم
والنار تزفر جمرها من لظاها
.
ماسوم في سوق ن كثر وسطه السوم
واعرف مخدة فكرتي من غطاها
.
قال المثل مبطي قبل رفعة الشوم
لا قام حظك باعلك واشتراها
. نايف الذعذاع
.
.
أحرار الفكر
هم من يعتقدون ما يقولون مؤمنين بما اعتقدوا وقالوا ,
أما من يقول ما يعتقدهـ غيرهـ وهو لا يؤمن به فهو مستعبد الفكر ,
وأما من يقول ويؤمن بما يعتقدهـ غيرهـ فهو مجرد بوق .!
صحصح يانـــــايم ! 
.jpg)
.gif "(f)")
العرض العادي
