فكر وناظر يامحمد ترى الحال=نفسي وتاليها مع الله خبرها
العين كن لها عن النوم عذال=تسهر وغادٍ نومها عن حجرها
والكبد ماتقبل من الحلو فنجال=والمر لو هو عشرقٍ مانقرها
دنيا هيال ولا لحقنا لها جال=وازريت اميز سهلها من وعرها
كان اقبلت ياحلو هاك التبهلال=وان ادبرت سوٍ على اللي حضرها
ماظن فيها واحدٍ داله البال=احفظ لدينك وانتبه عن خطرها
تراه مثل الفيَ لابد ينزال=والشمس هي ويَا القمر من فكرها
الحق يذكر والتفاخر بالاموال=لاهين في غفلاتهم في دورها
كم فرقت من دولةٍ حل واجيال=وإليا ومرها الله عطتهم نحرها
فعال نو الخير لاموه الانذال=كثرت تخاليف العرب في صورها
يالله ياعالم خفيات الاحوال=يااللي ذنوب العبد لاشا غفرها
طالبك انا الجنة وحسنى بالاعمال=تقدر تفرجها إليا جا قدرها
كم واحدٍ يمشي مع الناس مهذال=يرعى سواة العاذرة من بقرها
لاشاحنه علمٍ ولا وارده حال=ولا يميز وردها من صدرها
ثوب النقا مايرخصه لبس الاسمال=سلم الرجال اللي تلامع شهرها
إن كان ما انتب في معانيك حمال=عمل الردى يهويك مظلم حفرها
ذا قول من عدل غريبات الامثال=بيوتٍ عسيرات لمن لاقدرها
انا احمد اللي بدل الشمس بظلال=وهانت مصاعبها ونقطف ثمرها
ماهمني دنيا ولا همني مال=الرزق ياتي مثل هاتف مطرها
شفي ومقصودي من الخيل مشوال=شقرا نواصيها كثيرٍ شعرها
شفي عليها كان هو زعزع المال=ومن الهنادي صارمن في ظهرها
وبالكف من غالي المطارق هوى البال=يروى بحزات اللقا من حمرها
ونجرٍ توالي الليل تسمع له اعوال=ودلال يلقى الكيف من هو نحرها
بريةٍ يطرب لها كل شغال=والزعفران مع العويدي ذعرها
تهدى لماضين التجارب والافعال=زيزوم عيرات تعايل جررها
وتهدى لمن يثني نهار التجيوال=مودع جياد الخيل تركب وعرها
والثالث اللي بالقسا يرخص المال=له ربعةٍ دايم تناطف سفرها
وصده عن اللي مع دروب الردى عال=يمناه عن طيب المعاني قصرها
وصلوا على من صار للحق مرسال=عداد ما اخضر الورق من شجرها
وعليكم السلام ورحمة الله وبركاته
.,’.,’.,’.,’.,’.,’.,’.,’.,’.,’.,’.,’.,’.,’.,’.,’., ’.,’.,’
الله يرحمه
قصيدة جميلة
تسلم أخي الفاضل / ابو عبدالله
على هالطرح
.,’
تقبل مروري
ودمت في حفظ الرحمن
الناس بالناس ما دام الحياة بهم ✿✿✿ و السعد لا شك تارات و هبات
و أفضل الناس ما بين الورى رَجُلٍ ✿✿✿ تقضى على يده للناس حاجات
لا تمنعن يد المعروف عن أحدٍ ✿✿✿ ما دمت مُقْتَدِراً فالسعد تارات
و اشكر صناع فعل الله إذ جعلت ✿✿✿ إليك لا لك عند الناس حاجات
قد مات قوم وما ماتت مكارمهم ✿✿✿ وعاش قوم وهم في الناس أموات
ماهمني دنيا 
.jpg)
.gif "(f)")
العرض العادي
