مادام ثوب الشرف والعز كاسيني

#1 11-13-2011, 08:01 PM

هذه أحدى قصائد ديواني الصوتي الأول ( جدائل الغيم)القاء سعد السبيعي وإنشاد عبدالكريم الشمري

ماتعتلي فوق حاجب عيني العيني
لو كان شرهات كل الناس منقاده
والوقت ميال بين الحين والحيني
وأشوف كلاً يحاول يقدح زناده
يامعاتب الوقت دام الوضع يعنيني
قل للذي يدعي ينصاك بإسناده
قل له ترى الكايده عسره على الشيني
مسيود هاك العرب مانافس أسياده
يا مشرهاً بالقمر وينك وأنا ويني
ما أحسب حساب الذي للحين بمهاده
ما يدري إني خطام الشعر بيديني
بجهود يمناي مافرطت بشداده
نبضه بقلبي مداده دوم يرويني
أشرب من الشعر وأطرب دوم لإنشاده
لو تازنونه يرجْح بالموازيني
كل القوافي بشعري صغتها قلاده
مرجان لؤلؤ فرشته بينك وبيني
لكن قلبي عنيد وزاد بعناده
واللي على العز والعليا يناديني
أكيد يبشر بعز وثالث أعياده
وما دام ثوب الشرف والعز كاسيني
والله ما همني من بسرج إجياده
إن جتني الطيبه زينن على زيني
وإن جات من ناقص الحقران مقعاده
أضحك على واحدن ثاوي ومسكيني
يركض يدور مع الأجواد عن زاده
والقوت في حلته بالعسر والليني
كل العرب مع مرور الوقت ترتاده
اللي يسدد تجاهه بالنياشيني
واللي اليا شانت الايام تقتاده
والعشر صارت مع الايام ثنتيني
زودن عى المر يشرب علقمه ساده
ياللي على بالك انك صرت تفتيني
مالك ومال الشقاء يبلاك بجهاده
خل القوافي تجي مسحوب وهجيني
والقاف يمشي وأنا من يقصر إقياده
بالنقض والفتل والميقاف يمديني
أعسف مهار الشعر وأحرر ابلاده
ولو جار وقتي وشحت معظم اسنيني
ما شح نبعي وما هزيتم القاده
قصة حياتي لكم يا ابن العزيزيني
لا احدن يجيني يدور سالف امجاده