(أيام راحت)

السلام عليكم ورحمة الله وبركاته

الله يا وقتٍ مضاء ما حسبناه = يمضي كما برق(ن) ومض بالشمالي
وأيام راحت ما بقاء غير ذكراه = أذكر سوالفنا بكل الليالي
كشتاتنا طلعاتنا والمخاواه = فلت حجاج والهم ماله مجالي
أوقات تجمعنا بأبو حمود ماحلاه = محلا التميزح بطلح(ن) ظلالي
ويا فرحتي لأمن كشت والله = أني كما خرمان شاف الدلالي
له يوم ماشم ريحه ولا شفاه = شرب القهاوي مع رجال(ن) ثقالي
أيام ما تمضي على ما نتمناه = والي مقدر صاير(ن) مابه مجالي
مابه مجال تغيره وتمحاه = مكتوب بأذن رب(ن) عزيز الجلالي
ربن خلاقنا لأجل نطلب ارضاه =ومغيره أحدن نعبده بابتهالي
واليوم صدري أيتنهد بطرياه = أليا ذكرت الحب وأنا لحالي
أليا ذكرت ألي أوده وأهواه = الدمع على الخدين يسكب هما لي
بأسباب ذكرى التو يدع وأمنساه = يلوح بكفه وحان ألرحالي
حان الفراق للي أحبه وأهواه = ومنساه طول العمر لا لامحا لي
لا لا محال أنسى جزا يل عطاياه = القلب أهداني صدوق الكلامي
والروح لأجله رخيصة وفدواه = لو هو يبيها قلت خذها حلالي
والحين ماهو قريب أتخطاه = بيني وبينه وديان ورمالي
وسنين ماشفته ولا نيب ألقاه = يا شوق قلبي لو أشوفه ثواني
والهم يقلط في ضلوعي ولأقواه= لصار تسييره بكل حالي
يسهر معي وأنا أحاول اناساه=ولبغيه يدري بالي جرالي
أضيع الوقت حتى أتحاشاه= مآبي يزيد الضيق نار تصالي
وهاذي ترى دنيا دنيه وبلواه= صابت صغير السن وأصبح يعاني
وشلون أجل من صار شايب ودعواه= يارب يا رحمان أغفر خمالي
ولى الشباب اليوم أسرف بدنياه= مابين لعب البلوت وسمع الأغاني
والرابح ألي سجد لربه ورجواه = دخول جنه عرض السماء بالعلا لي
هذا الذي كاسب بدنياه ومهناه = لأمن أخذ باليمنى كتابه وفازي
وصلات ربي على محمد وصحباه =كثر المطر كثر الشجر والرمالي