قصيدة القيتها يوم امس في الحفل الختامي

السلام عليكم ورحمة الله وبركاته
تشرفت أمس الأثنين في حفل أختتام المركز الصيفي بمحافضة الشماسية
بي القاء القصيدة بحضور المحافض وكبار المسؤلين ورجال الشماسية
عامة وهي مرسلة الى المركز الصيفي وشكر على ما قامو به من جهود
جانب من الحضور
[img] [/img]
[img] [/img]
صورتي وانا متحمس
[img] [/img]
تراء رجليني ما يصفقن ابد

يا فكر جبلي من بحر شعري جزال = جبها لــمركــزنا أبهديهم ذلــول
ذلـول شعر ٍ والشعر هو رأس مال=هــو رأس مالـي ما معي غيره يعول
أمـا يجيـب الشعــر صافيه الــزلال =ولا بلاش أشعر ومـن حـولـي فحول
سلام منـي عـــد ما هبــة شمال =وأعداد مــزن ٍ لا نشى حلـو الهطول
مركز جمع ربع ٍ من أعيال الحلال=مــن ديرة المدا مــــزاحمة الزحول
مـــن ديــرة ٍ ما همنا قــيل ٍ وقـــال =ونفعل يا ولــد اللاش حنا مــا نقـول
و أشكر مـن اللي قامُ بزين الفعال=من مشرفين ومن تعب لجل الوصول
لجل الرقي بالدين وردع الانحلال= ولجل الوطـن لجل الملك نقدم نصول
قمـنا بشـــرع الله ولله الكمـــال=وقمنا صفوف ٍ يــوم دقـات الطبول
يالمـركز الصيفي بــلا كلمة تعال =حنا نجي بس الشغل عنكــم يحـول
وسلام يالمركز عدد حب الرمال = سـلام أحـلا من عسـل ما حال حول
لرجال مـا هو همهم جمع الريال = يهمــهم تفسير ثــم قـــال الــرسول
وختامها ترحيب إلى كل الرجال= ترحيب مخلص محترم قاس العقول

اهلاً هلا في شاعر ٍ صاغ المثال = يتوق للعليا ولا عزمه كلول
شاعر يصوغ القاف الى جاء له مجال = وعند الملا حاظيه ربه بالقبول
سراب يارد في طويلات الحبال = يوم ان غيره عجز حبله لا يطول
عبداللطيف ابدعت يا قرم العيال = قصيدتن تستاهل المدح الشمول

يا فكر جبلي من بحر شعري جـزال جبهـا لمركزنـا أبهديهـم ذلـول

من ديرة ٍ مـا همنـا قيـل ٍ وقـال ونفعل يا ولد اللاش حنا ما نقـول