ليت الغيوم اللي نخايل سقتنا= وليت الرياح العاتية ما تجينا
نركض ورا الدنيا و هي عذبتنا = نطرد سراب القاع لين انتهينا
نشرب هماج وراعي الدون يهنا =ناكل بها الشوك الطويل المتينا
نشوم عن فعل الرذيلة هدفنا =وراع الرذيلة قام يضحك علينا
بحـر ٍ تلاطم فيه والله غرقنا =ومربوط بالرجل الحجر ثم هوينا
يا رب يا لمعبود أغفر زللنا = و أدمح خطانا نتوب لك لا خطينا
نجمع بعضنا اليوم ونرمي بعضنا = نخيط فتق و كم فتق ٍ نسينا
نشوف..ونميز..ونقرا كتبنا = ونعرف خبايا اللي تطيح علينا
نسفه حسود ٍ في عيونه لحقنا =يضحك و في وجهه تبان الضغينا
نارد على بير ٍ عميق ٍ بلشنا =نبي نصدر..لكـن الله يعينا
لا من شرهنا اليوم والله نشبنا =ما نعرف الصاحب من الحاسدينا
صغار سن و باللوازم جزمنا = نذهل كبار السن لامن حكينا
الشاعر سراب
ابيات جميله فيها مكنون مشاعر واحاسيس خفيه
يا رب يا لمعبـود أغفـر زللنـا
و أدمح خطانا نتوب لك لا خطينا
نجمع بعضنا اليوم ونرمي بعضنا
نخيط فتق و كم فتـق ٍ نسينـا
صح لسانك
تقبل مروري وعاطر تحيتي واحترامي ،،،
سبحانك اللهم وبحمد اشهد ان لا اله الا انت استغفرك وتوب اليك
صح السانك ياشاعرنا العزيز قصيده رائعه
وقافيه صعبه لكن ماهي صعبه على شاعر بحجم سراب , نركض ورا الدنيا و هي عذبتنـا
نطرد سراب القاع ليـن انتهينـا
الله الله بيت والله عن الف بيت ياسراب ,
ذكرتني بالسديري الي يقول : دنيا الشقا ياسيـف ماهـي تدومـي
كم واحد(ن) فيها مشيح(ن) ومنجوم
تسلم ياسراب وننتظر جديدك ونبضك المميز ,
الف شكر لك ,
هلا بالأخ العزيز السامي
صح بدنك يابعدي ..
و كلامك وسام على صدري كيف لا وهو من متذوق ذهبي للشعر...
ليت الغيوم اللي نخايل سقتنا:.جــــــــديــــد 
العرض العادي
