دق التحيـه اليــوم مافيها ملام: قصيده قمت بالقائها ثالث العيد

أبدا ســلام الله عــلى كــل العــمام=و أبـتـكــــل بـالله ونـعـــم الــمتــكل
الحمـد لــه والشكـر وبشـرعة يقـام=الحـق ويـنـصر مــن ظـُلم بلا وجل
فـــرد ٍ صمد يعلــم بما تخـفي الأنام=رحمـان يـرحمنا عـلى كثـر الـزلل
عــــزيــز جبارون قديـر ٍ ذو انتقـام=غــفــور..يعـلم ما تـلـد قـبـل تحمـل
و بعد الشكر أيه أرحب ُ هذا المرام=نبــي نتجمـع نـتحد قــول و فـعـــل
يا مرحبا يا مرحبا يا هــل الـــزحام=لا ثــــورة عجـت وقـال ُ ما تحــل
نحلها واللــي رفـــع سبــــع الغــمام=بأذن الـــــولي نحلها عـــزا وجــل
و يا هـل الوشـم أهـلا ًرفيعين المقام=هـم ذخرنا هــم فخرنا طيب وعـدل
و يا هـل الربيـعـية خــذ ُ منـي كلام=ما أقدر أوصف حبكم ضاعـت جمل
شفت الوفـاء منكم وحــرمت المـنـام=ألـين أكـتب بالـشعـر صافـي عسـل
و يا هـل الشماسية أقــول أنـتم سنام=لـمـن كتبت الشـعـر فيكـم كالـغــزل
و منسى السنادا بكـُـل أرض ٍ ومـقـام=حنا يد ٍ وحـــــده و حنا مــن نــسل
من آل أبــو علـيـان مرويين الحـسام=مــن العنـاقــر للــشيـم حــنـا أهــل
من سعد من هـامة مضر حنا الزمام=تـمـيــم حـنـا متعـبـيـن اللـي يســل
أنشد جـمـوع الـفـرس بأيام ٍ عضـام=تنبيـك عــن قعـقـاع هــذاك البطل
وحنا على الأعـور أشاوس بالزحام=نارد حيـاض الـموت لا دق الطبل
و دق التحية اليـــوم ما فيـها مــلام=واللــــي يلـومونن عــساهــم للشلل
وندعـو جمـيـع اللـي لفو للانضمام=للمنـتدى يا مـرحبا باللـــي دخــــل
أهـلا ًهـلا أهـلا ً و أحيـي باحترام=أهــلا ً يازيــن العيد لا شفت الأهل
أفراح و سرور و سعــادة بالدوام=يا علهـا دايــم فــرح ما حد ٍ زعـل
وأدعو معي يا رب مافيها خصام=ونبقى يـدٍ وحـده..ونـبـقى كالجـبـل
يقوله اللـي بالشعــر أبحــر وعـام=عمره عشرمع عشر قد جاب الجزل
عبداللطيف أبن حـــمد أبن الكرام=نسـل جــدود معــربه قــال و فـعـل
وختامها طبع ٍ وهــو مسك الختام=صلو علــى المختار ما هل الـوبل

و أعذرونا على الأخطاء الأملائيه

من خان حي على الفلاح *** خان حي على الكفاح