قررت اقول الشعر من دون منه: عندما يكتب الكبار : أهداء لأهل الشماسيه

قررت اقول الشعر من دون منه=واظهر من اجزال المعاني خوافي
اببتدي بالوصف واقول حنه=حنا هل الطولات واهل القوافي
حنا لنا بالمجد حنه ورنه=وقت اللقاء نجزل والكل يافي
حنا هل المداء إلا قيل عنه=تهابنا عدوان ومنا تخافي
نعز دين الله ونحمي وطنه=ويحيد دون الدار فعلٍ يشافي
افعال ماهي قول من خاب ظنه=من ينتخيهم شاف كل العوافي
قال الشماسيه قلت موطن سكنه=اهله هل الصولات فوق النوافي
كانك تبي وصفه انا اقول جنه=ومن الجنان اللي بها الكل صافي
اشتاق له وجِر له الف ونه=واشتاق له وانا بعيد المسافي
هي دانتي لاجيت ابقول كنه=كنه وكنه ولايجي الوصف ضافي
اعشق هواها عشق يزداد شنه=واروي ضمى شوقي بوزنٍ وقافي
ياحظ من هو ساكنه وعِد منه=انا اشهد انه للمواجيب وافي
وصلو على اللي بالهدايه امرنه=صلو عليه اعداد سعي وطوافي

من خان حي على الفلاح *** خان حي على الكفاح