يقول التميمي من توارد خواطره....بدعها على بحر الهلالي وغاص به
السلام عليكم ورحمة الله وبركاته
مساء/صباح الخير للجميع.
.
7
7
متواضعه
أتمنى أن تحوز على رضاكم
بعض من ما يجول في خاطري
يقول التميمي مـن تـوارد خواطـره
بدعها على بحر الهلالي وغاص بـه
همومي و لو كثرت ترانـي أضمهـا
على الصدر و أخفيها و تشعل لهايبـه
أبصبـر علـى طعناتهـم و أتقـوى بـ
إلهي و عز اللي تكـل بـه ولاذ بـه
دمحت الخطا و أثـره يحسبـه مذلـةٍ
و ربي دمحته طيب ما هي غصايبـه
ترا الرجل ما يصغره واشٍ ليا هرج
يخلط العسل و السم حسـد ٍ يحاربـه
ترا الرجـل لـو هو قـل مالـه , مراجلـه
تكفيك عن مالـه و عالـي مناصبـه
و ترا اللاش لو ماله كما نايد الجبـل
حرام ٍعلينـا نصحبـه أو نقاربـه
(الأجواد وأن قاربتهـم مـا تملهـم )
كما الخير تسقي كل أرضن سحايبـه
و الأنذال خايب نـادم ٍ مـن هقابهـم
و لو هم قرايب مـا تفيـد المقاربـه
حدن للقرابة ثم صديقه كمـا العسـل
و حدن حنضليله قدمه ليـد صاحبـه
أشوف العلوم الغانمـة قـل سوقهـا
و أشوف الردى كثرت علينا عقاربـه
و أشوف الكلام الحق ما حدن يعاينـه
و راع الشهامة كـل وغـدٍ يحاربـه
الأمواج و أن هاجت أبصبر كما السفن
أبصبر و أعبر أخطار و أمواج ضاربه
ولا يالهوا ما عـاد لا هبـت الهـواء
من دياركم شوق ٍ يجي مـع هبايبـه
كتبتك شعر و أبطيت عني بـلا عـذر
و مع الليل دمعاتي على الخد ساكبـه
أسولف على روحي و أذا شفت مودمي
تضايقـت ودي مـع ذيـاب ٍ مقانبـه
أبسلا مع الحِيران و أشرب من الحمر
بعيد ٍ عـن الديـرة و قنبـت ثعالبـه
و أخايل بروق الوسم و الليل قد سدل
و أدوهي خلي ٍ همي اليـوم ساكبـه
وعلى الضو أقلب حمستـي و أتلـذذه
و نجري أدنه و أعذب الكيف شاربـه
وهذي مناتي يوم صدري تكالبت
به حشود حسـادٍ تداحمه هايبه
و يا مـن سـأل؟ شيماتنـا عنقريـةٍ
و كاهل مضر ساسي و ربـي أراقبـه
و أن كان لا جاء ذكرنا قيل ما فعلـو
فلا عاد أنـا رجـل ٍ ومانيـب كاتبـه
ولا قلتهـا الا قايـس ٍ عمـق غبهـا
و ذا ديدني و الكـل يطـرح تجاربـه
| 
[IMG]
.gif)
العرض العادي
